اعمل ايه فيكي يابلد

اعمل ايه فيكي يابلد
بيموت فيكي كل يوم ولد
بقي مكان البنا هدد
طعم الحياه فيكي فسد

مش قادر اتكلم ومعاكي اهاتي
مش عارف فيكي اعيش حياتي
حاسس ان كل يوم يوم مماتي

ابقي ضدك ولا معاكي
هو انا مش جاي علي هواكي
ولا القتل طبع جواكي

القتل فينا بقا فن
ومحدش علينا بيحن
ومحدش علينا بيحن
ولما تتقتل يقولوا ده قاتل مريض اتجن

دمنا سايح في الشوارع
بيدور علي الحق اللي ضايع

وكل ده ولسه العيديه اصل الحكايه مش منتهيه
ده من الزاويه
للكشح
واسيوط
والمنيا
ونجع حمادي
والاسكندريه

انا هاصرخ
اصرخ اقول ايه
ولا اتكلم في ايه

ما انا صوتي قبل كده اتنبح
قلبي ليلة العيد اندبح
بس بردوه هنحضر العيد
وعزيمتنا من حديد
حتي لو كان الريح شديد

وبقولها باعلي صوت
احنا مش خايفين من الموت
بس فرحة العيد ماتت
خلاص فاتت
خلاص

اسمعو ياكل الناس عيد مش عايزين
وعن حقنا مش ساكتين
مش كل سنه مقتولين
متهانين
هصرخ واقول دمكم لازم يرجع يامسيحين
بس احنا مش زيكم مجرمين

احنا بيسوعنا مؤمنين
لانه مش هيسبنا مهزومين
انتم مش بني ادمين

انتم للدم عطشانين
بالكره ناحيتنا مغلولين
قدام ايمانا مشلولين

ابدا مش هتهزمون
احنا زي الحديد مش بيلين

ربنا يبارك حياتك